787529#RajaChorusQuiz 102/500

#RajaChorusQuiz போனஸ் பாடல்

பாடும் நிலா எஸ்.பி.பாலசுப்ரமணியம் அவர்களுக்கு இனிய பிறந்த நாள் வாழ்த்துகளுடன் சிறப்புப் பகிர்வாக வருகின்றது இன்றைய இசைப்புதிர். இங்கே இரண்டு இசைப்புதிர்களைக் கொடுத்தாலும் போனஸ் பாடல் போட்டிக் கணக்கில் வராது. ஆனால் இரண்டையும் கண்டுபிடித்துச் சரியான பதில் சொல்பவர் தமிழகம், சீமாந்திரா மற்றும் தெலுங்கானா முதல்வராக இன்று பதவியேற்கும் வாய்ப்புண்டு 😉

முதலில் கொடுத்த பாடலின் இசைப் போக்கை வைத்தே கண்டுபிடித்துவிடுவீர்கள் என்ன பாடல் என்று. அட்டகாசமான ஒரு துள்ளிசைப்பாடல். இந்தப் பாடலின் சிறப்பு என்னவென்றால் இதே பாடலை படத்தின் நாயகனும் பாடியிருப்பார் ஆனல் அந்தப் பாட்டு இசைத்தட்டோடு மட்டும் பதிவாகிவிட்டது. படத்தில் வந்தது எஸ்.பி.பாலசுப்ரமணியம் குரலில் வந்த பாட்டுத்தான். இம்மாதிரிப் பாட்டென்றால் எஸ்.பி.பி காட்டி செம மழை அடிக்கும் மனுஷர் குடையை எறிந்து விட்டு ஆட்டம் போடுவார் மேடையிலும். பாடலின் இறுதியில் அமைந்திருக்கும் கோரஸ் குரல்களே கிட்டத்தட்டப் பாடலையும் ஆலாபனை செய்யுமாற்போல இருக்கும் அதைத்தொடர்ந்து அட்டகாசமான மேற்கத்தேய வாத்திய முழக்கமும் இருக்கும் கூடவே அந்த மிருதங்கத்தின் பயன்பாடு அடடா சொல்லி மாளாது 😉

இரண்டாவது பாடல் எஸ்.பி.பாலசுப்ரமணியம் அவர்களின் உறவினர் தெலுங்கில் இயக்கிய காவியப் படம் பின்னர் தமிழிலும் மொழிமாற்றி வெளியானது.
இந்தத் தெலுங்குப் படத்தின் நாயகனுக்கு மூத்த மகள் பிறந்த நேரம் வந்த படம் என்பதால் அந்தப் பெண்ணை இயக்குனரின் மனைவி இந்தத் தெலுங்குப் படத்தின் பெயரால் தான் அழைப்பாராம்.
இந்த போனஸ் பாடலின் தெலுங்கு மூலத்தைத் தான் இங்கே கொடுத்திருக்கின்றேன், அதில் தான் ஜானகியின் அட்டகாசமான ஆலாபனையும் கோரஸ் குரல்களும் முதலில் ஆரம்பித்துப் பின் மூலப்பாட்டுக்குப் போகும்.
இந்தப் பாடலின் ஆரம்ப மற்றும் இடையிசையை இணைத்துக் கொடுக்கிறேன். எஸ்.பி.பாலசுப்ரமணியம் அவர்கள் முந்திய பாடலில் எவ்வளவு துள்ளிசைக் குரலோடு பாடுகிறாரோ அதற்கு மாறுபட்டு அடக்கமாக இன்னொரு பாணியில் ஒலிக்கும்.
ஒரு பாடகர் முழுமை பெறுவது இங்கே தான்.
போனஸ் பாடலின் தமிழ் அல்லது தெலுங்குப் பாடல் வரியைச் சொன்னால் போதும்.

பாடல்களோடு வருக.

#RajaChorusQuiz 102/500

ஓக்கே மக்கள்ஸ் இந்தப் போட்டியில் பங்கெடுத்த அனைத்து அன்பு உள்ளங்களுக்கும் மிக்க நன்றி.
இதே பதில்

பாடல்: மேகம் கொட்டட்டும்
படம்: எனக்குள் ஒருவன்
பாடியவர்கள் : எஸ்.பி.பாலசுப்ரமணியம் குழுவினர்

போனஸ் பாடல்
பாடல் : மனசு மயங்கும்/
படம் : சிப்பிக்குள் முத்து/ஸ்வாதி முத்யம்
பாடியவர்கள் : எஸ்.ஜானகி, எஸ்.பி.பாலசுப்ரமணியம், குழுவினர்

Advertisements